ნამდვილი სახელი : ალექსანდრა ანა დადარიო (Alexandra Anna Daddario) დაბადების თარიღი : 16 მარტი 1986 დაბადების ადგილი : მანჰეტენი, ნიუ-იორკი, აშშ სიმაღლე : 1.73 მ პირველი ფილმი : 2005 ალექსანდრა ანა დადარიო (ინგლ. Alexandra Daddario) (დ. 16 მარტი, 1986) - ამერიკელი მსახიობი და მოდელი. ის ცნობილია ანაბეთ ჩეისის როლის შესრულებისთვის „პერსი ჯექსონის“ ფილმების სერიასა და ბლეიკ გეინის როლის განსახიერებისთვის „სან-ანდრეასში“. გარდა ამისა, მონაწილეობა მიღებული აქვს ფილმებში „ტეხასური ხოცვა ბენზოღერხით“ და „თავისუფალი კვირა“. მიწვეული იყო სერიალებში „თეთრი საყელო“, „ფილადელფიაში მუდამ მზეა“, „ნამდვილი დეტექტივი“ და „ამერიკული საშინელებათა ისტორია“. აგრეთვე ცნობილია როლისთვის „მაშველებში“ (2017), სადაც სამერ კუინის როლი დადარიო დაიბადა ნიუ-იორკში და კრისტინა და რიჩარდ დადარიოების უფროსი შვილი იყო. დედა იყო იურისტი, ხოლო მამა - პროკურორი და ნიუ-იორკის პოლიციის დეპარტამენტის, ანტიტერორისტული რაზმის ყოფილი ხელმძღვანელი, მაიკლ ბლუმბერგის მერობის დროს. ჰყავს ძმა მეთიუ დადარიო, რომელიც ასევე მსახიობია და და - კეთრინი. მისი ბაბუა მამის მხრიდან იყო ემილიო კ. დადარიო, ამერიკის შეერთებული შტატების კონგრესის წარმომადგენელთა წევრი დემოკრატების მხრიდან, კონექტიკუტის შტატისთვის, 1959-1971 წლებში. ალექსანდა დადარიოს აქვს იტალიური, ჩეხოსლოვაკური, ინგლისური და ირლანდიური ფესვები. დადარიო გაიზარდა მანჰეტენის ზემო აღმოსავლეთ ნაწილში. სწავლობდა ბრერლის სკოლაში და იყო ბავშვთა პროფესიული სკოლის მოსწავლე. მსახიობობა 11 წლის ასაკში გადაწყვიტა. დაამთავრა მანჰეტენის მერიმაუნტ კოლეჯი. წლების განმავლობაში სწავლობდა მეისნერის სამსახიობო ტექნიკას. დადარიოს სატელევიზიო დებიუტი 16 წლის ასაკში შედგა, როდესაც მან ითამაშა დაზარალებული თინეიჯერი, ლაურა ლუისი, საპნის ოპერაში „ყველა ჩემი შვილი“. მისი პირველი მნიშვნელოვანი როლი ანაბეთ ჩეისი იყო, რომელიც 2010 ფანტასტიკურ-სათავგადასავლო ფილმში „პერსი ჯექსონი და ოლიმპოელები: მეხის ქურდი“ წარმოადგინა. მან აგრეთვე შეასრულა კეიტ მოროს, ნილ კაფრის საყვარლის როლი სერიალში „თეთრი საყელო“.