მარტში გავრცელებული პირველი თრეილერის შემდეგ, უკვე შეგვიძლია ვნახოთ “დედვუდის” ფილმის მეორე თრეილერი. ფილმის მოქმედება სერიალ დედვუდის ამბებიდან ათ წელიწადში, 1879 წელს განვითარდება. ისტორიულად დედვუდში სწორედ ამ წელს ხანძარი გაჩნდა, რომელმაც 300 შენობა და ათობით ადამიანის სიცოცხლე შეიწირა. პროექტში ნაცნობი პერსონაჟების როლებს კვლავ ტიმოთი ოლიფანტი, იენ მაკშეინი, მოლი პარკერი, ბრედ დურიფი, ჯონ ჰოუკსი, ჯერალდ მაკრეინი და კიმ დიკენსი შეასრულებენ. პრემიერის თარიღად 31 მაისი სახელდება.