კომპანია Warner Bros.-მა 'ტომის და ჯერის' მხატვრული ფილმის გამოსვლის თარიღი გამოაცხადა. გამოცემა Deadline სტუდიის წარმომადგენლებზე დაყრდნობით იტყობინება, რომ პროექტი კინოგაქირავებაში 2021 წლის 16 აპრილს ჩაეშვება. სურათის რეჟისორის პოსტი ტიმ სთორის უკავია, რომელმაც "ფანტასტიკური ოთხეული" და მისი გაგრძელება გადაიღო. აღსანიშნავია, რომ ტომის და ჯერის კინოგაქირავებაში პირდაპირი კონკურენტები არ ჰყავთ, თუმცა აპრილში სტუდია Unviersal სათავგადასავლო ბოევიკის - "ფორსაჟის" ფინალური ნაწილს გამოუშვებს. შეგახსენებთ, რომ მოკლემეტრაჟიანი მულტფილმების სერია "ტომი და ჯერი" ანიმატორებმა - უილიამ ჰანამ და ჯოზეფ ბარბერამ გასული საუკუნის 40-იან წლებში შექმნეს. ის პოპულარული გახდა არამხოლოდ ბავშვებს შორის, არამედ დიდებს შორისაც. 50-იანი წლების ბოლომდე მულტფილმებს ბრენდი MGM უშვებდა. "ტომის და ჯერის" გვიანდელი ეპიზოდები არაერთხელ გაუკრიტიკებიათ ძალადობისა და რასობრივი სტერეოტიპების გავრცელების გამო, ამიტომაც კლასიკური მულტფილმებიდან ზოგიერთი სცენა ამოჭრეს, თუმცა კოლექციური გამოცემა, რომელსაც ცენზურა არ შეხებია მაყურებელს "შეურაცხმყოფელი კონტენტის შესახებ" აფრთხილებს.