დაბადების თარიღი : 17 ივლისი 1969 დაბადების ადგილი : უინტონი, კუინზლენდი, ავსტრალია პირველი ფილმი : 1997 ჯეისონ კლარკი — ავსტრალიელი მსახიობი. დაიბადა და გაიზარდა ქალაქ უინტონში. სხვადასხვა დროს მონაწილეობა მიიღო ავსტრალიურ სერიალებში: „მკვლელის ზარი“, „ველური მხარე“, „სახლი და მანძილი“, „ბლუ ჰილერები“, „ყველა წმინდანი“, „სამყაროს ზღვარზე“, „თეთრი ლურჯი საყელო“, „სტინგერები“. შეასრულა ტომი კეფის როლი სერიალში „საძმო“. გამოჩნდა ფილმებში: „ადამიანური კონტრაქტი“, „სასიკვდილო რბოლა“, „საზოგადოების მტრები“, „გალია კურდღლებისთვის“. მნიშვნელოვანი იყო რედ ჰამილტონის როლი ფილმში „საზოგადოების მტრები“. 2011 წელს მისი მონაწილეობით გამოვიდა ფილმი „მინდვრები“. აგრეთვე ითამაშა დეტექტივ ჯარეკის როლი Fox-ის სერიალში „კანონის უზენაესობა“. აღსანიშნავია აგრეთვე დენის როლი ფილმში „მიზანი ნომერი ერთი“. 2012 წელს მთავარი როლი შეასრულა ფილმში „უკანონო“. 2013 წელს გამოჩნდა ფილმში „დიდი გეტსბი“, სადაც ჯორჯ უილსონის როლი შეასრულა. 2014 წელს ითამაშა ფილმში „მაიმუნების პლანეტა: რევოლუცია“.