ნამდვილი სახელი : ფამკე ბემერ იანსენი (Famke Beumer Janssen) დაბადების თარიღი : 5 ნოემბერი 1964 დაბადების ადგილი : ამსტელვენი, ნიდერლანდები სიმაღლე : 1.82 მ პირველი ფილმი : 1984 ფამკე ბემერ იანსენი (ნიდერლ. Famke Beumer Janssen; დ. 5 ნოემბერი 1964, ამსტელვენი, ნიდერლანდები) - ნიდერლანდელი მსახიობი, რეჟისორი და ფოტომოდელი. 1984 წელს სამოდელო კარიერის დასაწყებად აშშ-ში გადავიდა საცხოვრებლად. ამავდროულად სწავლობდა კოლუმბიის უნივერსიტეტში. დადიოდა ჰაროლდ გასკინის სამსახიობო ხელოვნების კურსებზე — შედეგად ის ლოს-ანჯელესში გადავიდა. აქ ის აგრძელებდა მეცადინეობას და სულ მალე პატარა როლი მიიღო ტელეფილმში „მამები და შვილები“ (1992). 1992 წელს როლი მიიღო ტელესერიალში „ვარსკვლავური გზა: შემდეგი თაობა“, შემდეგ კი ითამაშა ტელესერიალში „მერლოუზ-პლეისი“. 1995 წელს ითამაშა ფილმში „ოქროსთვალი“, სადაც ბონდის მეგობარი გოგონას როლი — ქსენია ონატოპის როლი შეასრულა. თუმცა ამ წარმატებამ ბოლომდე არ გამოამჟღავნა მისი სამსახიობო შესაძლებლობები. შემდეგ უპირატესობა მიანიჭა დამოუკიდებელ პროექტებში გადაღებას. 1990-იან წლებში ფამკემ მონაწილეობა მიიღო რამდენიმე ფილმში. წარმატება მოუტანა შესრულებულმა როლმა ფილმში „იქს-ადამიანები“ (2000). შემდეგ მონაწილეობა მიიღო არანაკლებ ცნობილ სურათებში. 1995-2000 წლებში ქორწინებაში იმყოფებოდა სცენარისტთან და რეჟისორთან ტოდ უილიამსთან. წყარო: ka.wikipedia.org