ტომ ჰიდლსტონი (ინგლ. Tom Hiddleston; დ. 9 თებერვალი, 1981) — ინგლისელი მსახიობი, პროდიუსერი და მუსიკალური შემსრულებელი. თავდაპირველად გამოდიოდა ლონდონის უესტ-ენდის თეატრის მიერ დადგმულ „ივანოვში“ და „ციმბელინში“. უკანასკნელში განსახიერებული როლისთვის მან მიიღო ლორენს ოლივიეს სახელობის ჯილდო, როგორც საუკეთესო ახალბედა მსახიობმა. აგრეთვე ნომინირებული იყო იგივე ჯილდოზე „ოტელოში“ კასიოს როლისთვის. კინოში პირველად ცნობილი გახდა Marvel-ის კინოსამყაროს პერსონაჟ ლოკის როლის შესრულებით. იგი გამოჩნდა ფილმებში „თორი“ (2011), „შურისმაძიებლები“ (2012), „თორი: ბნელი სამყარო“ (2013) და „თორი: რაგნაროკი“ (2017). 2011 წელს მიიღო Empire-ის ჯილდო საუკეთესო ახალი მსახიობი მამაკაცისთვის და ნომინირებული იყო იგივე BAFTA-ზე.