ემა შარლოტ დიურე უოტსონი (ინგლ. Emma Watson; დ. 15 აპრილი, 1990) — ინგლისელი მსახიობი, მოდელი. რომელმაც სახელი გაითქვა ჰერმიონ გრეინჯერის როლის შესრულებით ჰარი პოტერის ფილმების სერიაში, რომელთა გადაღებამ ათ წელს გასტანა (2001-2011). ფილმების სერიაში ემა უოტსონის პარტნიორები იყვნენ დენიელ რედკლიფი (ჰარი პოტერი) და რუპერტ გრინტი (რონ უისლი). დაიბადა პარიზში, ინგლისელი ადვოკატების ოჯახში. მისი მშობლები ერთმანეთს მაშინ დაშორდნენ, როდესაც მომავალი მსახიობი 5 წლის იყო და იგი დედასთან და ძმასთან ერთად ოქსფორდში ცხოვრობდა, ხოლო შაბათ-კვირას მამასთან ატარებდა