ნამდვილი სახელი : ალისია ქრისტიან ფოსტერი (Alicia Christian Foster) დაბადების თარიღი : 19 ნოემბერი, 1962 დაბადების ადგილი : ლოს-ანჟელესი, კალიფორნია, აშშ სიმაღლე : 1.6 მ პირველი ფილმი : 1965 ჯოდი ფოსტერი (ინგლ. Jodie Foster; დ. 19 ნოემბერი, 1962) - ამერიკელი მსახიობი, რეჟისორი და პროდიუსერი; ორგზის ამერიკის კინოაკადემიის ოსკარის, ოქროს გლობუსის, BAFTA-სა და კინომსახიობთა გილდიის პრემიის ლაურეატი. პირველი როლი 1970 წელს სატელევიზიო ფილმში „Menace on the Mountain“ ითამაშა, რომელსაც რამდენიმე დისნეის ნამუშევარი მოჰყვა. დიდი წარმატება 1976 წელს კინოფილმში „ტაქსის მძღოლი“ მოზარდი მეძავის როლმა მოუტანა, რომელიც ოსკარზე იყო წარდგენილი საუკეთესო მეორეხარისხოვანი როლის ნომინაციით. საუკეთესო მსახიობი ქალის ნომინაციით ოსკარი 1988 წელს მიიღო ფილმში „ბრალდებული“ გაუპატიურების მსხვერპლის როლით. 1991 წელს შეასრულა კლერის სტარლინგის როლი ფილმში „კრავთა დუმილი“, რომელშიც სერიულ მკვლელს იძიებს, როგორც ფედერალური საგამოძიებო ბიუროს აგენტი. ამ როლით უკვე საერთაშორისო აღიარება მოიპოვა და მეორე ოსკარი საუკეთესო მსახიობის ნომინაციით. მისი ფილმები და როლები ჟანრთა მრავალფეროვნებით გამოირჩევა, მოიცავს რა ტრილერებს, კრიმინალისტიკას, სასიყვარულო რომანს, კომედიას, საბავშვო ფილმებსა და მეცნიერულ ფანტასტიკას. გადაღებული აქვს სამი ფილმი.