'ცუდი ბიჭები' და 'ცუდი ბიჭები 2' ნამდვილად არ არიან შედევრალური ფილმები, თუმცა მათ მოახერხეს მაყურებლების გულების მოგება და 17 წლის შემდეგ უილ სმიტი და მარტინ ლოურენსი დაბრუნდნენ, რომ კიდევ ერთხელ დაუპირისპირდნენ ცუდ ბიჭებს. ბოლოს ჰარლი ქუინი "თვითმკვლელთა რაზმში" ვიხილეთ, მაგრამ DC-ს კომიქსების ახალ ეკრანიზაციაში ის სუპერგმირების ქალთა გუნდს "მტაცებელ ფრინველებს" შეუერთდა, რომ ცნობილ ბოროტმოქმედ შავ ნიღაბს დაუპირისპირდეს. ცნობილი ვიდეოთამაშის ეკრანიზაცია, რომელშიც მთავარ როლს ჯიმ ქერი ასრულებს. ფილმი ზესწრაფი ზღარბი სონიკის და მისი ახლადშეძენილი მეგობრის თავგადასავლების ისტორიას გვიყვება. ეს ფანტასტიკური ბოევიკი - Valiant-ის კომიქსების პირველი ეკრანიზაციაა, რომლითაც სტარტი უნდა აიღოს Sony-ს ახალმა კინოსამყარომ. ფილმში მთავარ როლს ვინ დიზელი ასრულებს. Disney-ს ამავესახელწოდების მულტფილმი 1998 წელს გამოვიდა და კინოგაქირავების ერთ-ერთი ლიდერი აღმოჩნდა. ახლა სტუდიამ ისტორიის ეკრანიზირება ცოცხალი მსახიობებით გადაწყვიტა. უშიშარი გმირის როლის მორგება ათასობით მსახიობს სურდა, თუმცა საბოლოოდ მულანი ლიუ იფეი გახდა. ჯეიმს ბონდის 25-ე და დენიელ ქრეიგის ბოლო ფილმი აგენტის როლში. მსახიობმა ოფიციალურად განაცხადა, რომ ბონდიანის დატოვებას გეგმავს. ამგვარად ახალი 007 დიდი ალბათობით ქალი გახდება, რომლის როლსაც ლაშანა ლინჩი ასრულებს. "სამოქალაქო ომის" გაგრძელება, რომელშიც ჭორების თანახმად შესაძლებელია მინი-კამეო ჰქონდეს რკინის კაცსაც კი. სიუჟეტის მიხედვით შავი ქვრივი "წითელი ოთახის" განადგურებას გადაწყვეტს - პროგრამის, რომელიც ქვრივებს - მკვლელებს და ჯაშუშებს ქმნის. მას ელენა ბელოვასთან, ტასკმასტერთან და რუს სუპერგმირ წითელ მცველთან დაპირისპირება მოუწევს. სტუდია Universal-ის კიდევ ერთი საჩუქარი რბოლების და თავგადასავლების მოყვარულებს. რეჟისორ ჯასტინ ლინისთვის ეს მეხუთე "ფორსაჟი" იქნება, ამიტომაც ის "თავს გადასაღებ მოედანზე ისე გრძნობს, როგორც საკუთარ სახლში", ასევე მან თქვა, რომ ეს სერიის ყველაზე ამბიციური პროექტია. "აღმოსავლეთის ექსპრესის" არც თუ ისე წარმატებული ეკრანიზაციის შემდეგ ბრიტანელმა რეჟისორმა კენეტ ბრანამ იონ კოლფერის წიგნის ეკრანიზირება გადაწყვიტა, რომელიც ახალგაზრდა ვუნდერკინდ-კრიმინალ არტემის ფაულის ისტორიას გვიყვება. DC-ს "ქალი-საოცრება" ერთ-ერთი ყველაზე მაღალშემოსავლიანი ფილმი იყო კინოსამყაროში, ფილმმა 821 მილიონი დოლარის მოგროვება შეძლო. მეორე ნაწილი პრინცესა დიანას თავგადასავლების გაგრძელება არ იქნება, არამედ მისი ძველი ცხოვრებიდან ერთ-ერთ ისტორიას მოგვიყვება. მოვლენები კი 80-იან წლებში განვითარდება. "ოსკარის" პრემიის ლაურეატი "საუკეთესო მსროლელი" 33 წლის შემდეგ ბრუნდება, რომ ტომ კრუზმა თავისი სიცოცხლე მხოლოდ "შეუსრულებელი მისიისთვის" არ გარისკოს. სიუჟეტის მიხედვით პიტ მიტჩელი შტურვალთან მას შემდეგ ბრუნდება, რაც ჩინოვნიკები ექსპერიმენტების ჩატარებას დაიწყებენ, რომლებითაც მათ ადამიანების პილოტი-დრონებით შეცვლას გადაწყვეტენ. 2016 წელს გამოსული "ქალური" "მოჩვენებებზე მონადირეების" შემდეგ, რომელმაც ფიასკო განიცადა სტუდია Sony-მ "ბავშვური" ვარიანტის გამოშვება გადაწყვიტა.