ბოლო დროს ანჯელინა ჯოლი ხშირად ურთიერთობს მამამისთან, მსახიობ ჯონ ვოითთან, თუმცა მანამდე მათ შორის ურთიერთობები დაძაბული იყო. 81 წლის მსახიობმა ინტერვიუ მისცა ჟურნალისტებს, რომელშიც თავისი ქალიშვილის, შვილიშვილების და ბრედ პიტის შესახებ ისაუბრა. ვოითის თქმით ჯოლი შესანიშნავი დედაა. "მას თავისი შვილები უყვარს, ის მათზეა მიბმული და მათზე ყოველთვის ზრუნავს. ის ყველაფერს უმკლავდება. ის ბრწყინვალეა", - თქვა ვოითმა. შეგახსენებთ, რომ 44 წლის ჯოლის ექვსი შვილი ჰყავს: შაილო, ტყუპები ნოქსი და ვივიენი, მედოქსი, პაქსი და ზაქარა. "თითოეული ბავშვი უნიკალურია. თითოეულში არის რაღაც განსაკუთრებული და თქვენი დავალებაა, რომ მათ ინსტრუმენტები მისცეთ ამის გამოსახატავად", - აღნიშნა ვოითმა. ინტერვიუში ვოითმა ასევე აღიარა, რომ თავისი ყოფილი სიძით - ბრედ პიტით ამაყობს, რომელმაც ფილმ "ერთხელ ჰოლივუდშისთვის" "ოქროს გლობუსიც" კი მიიღო. "მე ბრედით ვამაყობ. ეს ძალზედ უცნაური, წარმატებული და დინამიური ფილმია", - დაასრულა მსახიობმა. პრესის ინფორმაციით სწორედ პიტი დაეხმარა ვოითს, რომ ჯოლისთან ურთიერთობები დაელაგებინა. მსახიობმა მრავალჯერ თქვა, რომ მამამისს არ აპატიებს ოჯახიდან წასვლას, როდესაც ის ჯერ კიდევ ბავშვი იყო. ჯოლიმ მამამისს 2002 წელს დაუპირისპირდა, როდესაც მსახიობმა განაცხადა, რომ მის ქალიშვილს ფსიქოლოგიური დახმარება სჭირდებოდა.