დასახელება
SALMA HAYEK სალმა ჰაიეკი
კატეგორია
რეიტინგი
აღწერა
ნამდვილი სახელი : სალმა ვალგარმა ჰაიეკ ხიმენესი (Salma Valgarma Hayek Jiménez) დაბადების თარიღი : 2 სექტემბერი 1966 დაბადების ადგილი : კოაცაკოალკოსი, ვერაკრუსი, მექსიკა სიმაღლე : 1.57 მ პირველი ფილმი : 1988 სალმა ჰაიეკი - მექსიკელი კინომსახიობი და პროდიუსერი. იგი მექსიკელთაგან ჰოლივუდის ყველაზე წარმატებული მსახიობია კარმენ მირანდას შემდეგ. სალმა ჰაიეკი 2002 წელს ნომინირებული იყო ოსკარის პრემიაზე საუკეთესო ქალის როლის შესრულებისთვის ფილმში „ფრიდა“. სალმა ჰაიეკი დაიბადა ქალაქ კოაცაკოალკოსში. დედამისი, დიანა ხიმემენეს მედინა, ესპანური წარმოშობის ოპერის მომღერალია, ხოლო მამამისი, სამი ჰაიეკ დომინგესი, ნავთობის კომპანიის ხელმძღვანელი, ლიბანური წარმოშობისაა, რომელიც ერთხანს ქალაქ კოაცაკოალკოსის მერად არჩევის კენჭისყრაშიც კი მონაწილეობდა. სალმა ჰაიეკი იზრდებოდა საკმაოდ შეძლებულ ოჯახში. 12 წლის ასაკში სასწავლებლად მიავლინეს გოგონებისათვის განკუთვნილ კათოლიკურ სკოლა-ინტერნატში ლუიზიანაში. აქ ყოფნის დროს სალმას დაუსვეს დიაგნოზი — დისლექსია. სკოლიდან წასვლის შემდეგ, რაც გამოწვეული იყო ყოფაქცევის უარყოფითი დახასიათებით, სალმა ჰაიეკი გარკვეული დროით დაბრუნდა მექსიკაში, საიდანაც სულ მალე თავის ნათესავთან აშშ-ში, ჰიუსტონში გადავიდა საცხოვრებლად. შემდეგ მან ჩააბარა იბეროამერიკულ ინსტიტუტში, სადაც სწავლობდა საერთაშორისო ურთიერთობებზე. 23 წლის ასაკში სალმა ჰაიეკმა როლი მიიღო მექსიკურ ტელენოველაში „ტერეზა“ (1989). ამ სერიალის ხარჯზე მოიპოვა ეროვნული ვარსკვლავის სტატუსი. მოგვიანებით, 1994 წელს ითამაშა მექსიკურ ფილმში „ხეივნის საოცრება“. ამ როლისთვის მიენიჭა მექსიკის კინოპრემია „არიელის ჯილდო“. ამერიკის შეერთებულ შტატებში სალმა ჰაიეკი როგორც ემიგრანტი გამოჩნდა. 1991 წელს დასახლდა ლოს-ანჟელესში, სადაც შეუდგა სამსახიობო ხელობის შესწავლას სტელა ადლერთან. 1995 წელს რობერტ როდრიგესმა სალმა ჰაიეკი მიიწვია გადაღებებზე ფილმში „სასოწარკვეთილი“, სადაც მისი პარტნიორი გახდა ანტონიო ბანდერასი. ამ ფილმის შემდეგ სალმა ასე თუ ისე ცნობილი ხდება ჰოლივუდის წრეებში და შესაბამისად ყურადღება მიიპყრო კინოსტუდიების მხრიდან. 1996 წელს მცირე როლი მიიღო ფილმში „მზის ჩასვლიდან განთიადამდე“, სადაც თამაში მოუწია კვენტინ ტარანტინოსთან და ჯორჯ კლუნისთან. 1997 წელს ჰაიეკმა მეტიუ პერისთან ერთად მთავარი როლი შეასრულა რომანტიკულ კომედიაში „აჩქარებით ქვეყანა არავის აუშენებია“. 1999 წელს ვილ სმიტთან ერთად მოუწია თამაში დიდბიუჯეტიან ფილმში „ველური, ველური დასავლეთი“, ხოლო გარკვეული დროის შემდეგ ფილმში „დოგმა“. 2000 წლისათვის სალმა ჰაიეკმა დააარსა საპროდიუსერო კომპანია „ვენტანაროსა“, სადაც შეუდგა ფილმებისა და სატელევიზიო პროექტების წარმოებას. ამ მოღვაწეობაში მისი პირველი გამოცდა იყო ფილმი „პოლკოვნიკს არავინ სწერს“, რომელიც წარდგენილი იყო ოსკარის პრემიაზე, როგორც საუკეთესო უცხოური ფილმი. 2002 წელს გამოვიდა ცნობილი ფილმი „ფრიდა“, სადაც მან მთავარი როლი შეასრულა და ასევე ფილმს პროდიუსირებაც გაუწია. ამ როლისთვის სალმა ჰაიეკი ნომინირებული იყო ოსკარის პრემიაზე, როგოროც საუკეთესო მსახიობი. ფილმი რეალურ ისტორიაზეა დაფუძნებული და მასში გაშუქებულია მექსიკელი ფერმწერის ფრიდა კალოს ცხოვრება-მოღვაწეობა. ფილმში ერთბაშად ცნობილმა მსახიობებმა მოიყარეს თავი: ალფრედ მოლინა, ჯეფრი რაში, ეშლი ჯადი, ანტონიო ბანდერასი, ედვარდ ნორტონი და სხვ. 2005 წლის დეკემბერში ჰაიეკმა გადაიღო მუსიკალური კლიპი მომღერალ პრინსისთვის, სახელწოდებით „Te Amo Corazon“, („I love you, sweetheart“). 2006 წლის სექტემბერში იგი იყო ტელესერიალ „უშნო ბეტი“-ს საშემსრულებლო პროდიუსერი, რომლის ტრანსლირება მთელ მსოფლიოში წარმოებდა 2006-2010 წლებში. სალმა ჰაიეკი ამერიკის შეერთებული შტატების მოქალაქეა. იგი ოთხი წლის განმავლობაში (1999-2003) ხვდებოდა ედვარდ ნორტონს, ხოლო შემდეგ დაახლოებით ერთი წლის განმავლობაში (2003-2004) ჯოშ ლუკასთან ჰქონდა ურთიერთობა. ერთ დროს სალმა ჰაიეკი დაქორწინებას აპირებდა ფრანსუა ანრი პინოსთან, რომლისგანაც 2007 წლის 21 სექტემბერს პირველი შვილი შეეძინა. თუმცა 2008 წელს წყვილი ერთმანეთს გაშორდა. შვილი სალმას დარჩა. 2009 წლის 23 აპრილს წყვილმა აღადგინა ურთიერთობა და საბოლოოდ სალმა ჰაიეკი და ფრანსუა ანრი პინო დაქორწინდნენ. სალმა ჰაიეკი სიმაღეში 157 სმ-ია; მას მეგობრული ურთიერთობა აქვს პენელოპე კრუზთან, ეშლი ჯადთან და ვალერია გოლინოსთან.
4934 ნახვა
17 ივნისი 19:18
სუპერ მაიკი: ბოლო ცეკვა

2023

Magic Mike's Last Dance ჯადოსნური მაიკის უკანასკნელი ცეკვა
ჩექმებიანი კატა აღმოაჩენს, რომ თავგა

2022

Puss in Boots: The Last Wish ჩექმებიანი კატა 2: უკანასკნელი სურვილი
სამეცნიერო ფანტასტიკური დრამა, გრეგი

IMDB 5.2
2021

Bliss ნეტარება
წარმატებული ქურდი - მაქსი და მისი მშვე

IMDB 6.3
2004

After the sunset მზის ჩასვლის შემდეგ
ალკოჰოლიკი მშობელები, საგულდაგულოდ მ

IMDB 3.8
2019

Drunk Parents ალკოჰოლიკი მშობლები
ცხოვრებამ მაიკლ ბრაისი საკმარისად და

IMDB 6.1
2021

The Hitman's Wife's Bodyguard მკვლელის ცოლის მცველი
უკვდავი არსებები, რომლებიც ათასობით

IMDB 6.7
2021

Eternals მარადიულები
ფილმი სრულიად განსხვავებული იდეალებ

IMDB 4.3
2020

Like a Boss როგორც ბოსი
ბიძაშვილები ვინსენტი და ანტონი ცხოვრ

IMDB 6.4
2019

The Hummingbird Project პროექტი კოლიბრი
ევერლი ახალგაზრდა ქალია, რომელიც ცდი

IMDB 5.1
2015

Everly ევერლი
კომენტარები
კომენტარის დასამატებლად გაიარეთ ავტორიზაცია ან დარეგისტრირდით
რეკომენდირებული
ნამდვილი სახელი : ბენჯამენ გეზა აფლეკ

მსახიობი

BEN AFFLECK ბენ აფლეკი
ნამდვილი სახელი : ჯონათან კიმბლ სიმონ

მსახიობი

J.K. Simmons ჯ.კ. სიმონსი
ნამდვილი სახელი : ენტონი დუეინ მაკი (Antho

მსახიობი

Anthony Mackie ენტონი მაკი
ნამდვილი სახელი : პენელოპე კრუს სანჩე

მსახიობი

Penelope Cruz პენელოპე კრუსი
ნამდვილი სახელი : ორლანდო ჯონატან ბლე

მსახიობი

ORLANDO BLOOM ორლანდო ბლუმი
დაბადების თარიღი : 10 თებერვალი 1997
დაბა

მსახიობი

Chloe Grace Moretz ქლოე გრეის მორეცი
ნამდვილი სახელი : ჯონათან ედუარდ ბერნ

მსახიობი

Jon Bernthal ჯონ ბერნტალი
ნამდვილი სახელი : კრისტოფერ მაიკლ პრე

მსახიობი

Chris Pratt კრის პრეტი
ნამდვილი სახელი : ჯეიმზ იუჯინ კერი (James Eu

მსახიობი

JIM CARREY ჯიმ კერი
ნამდვილი სახელი : მარკ სინკლერ ვინსენ

მსახიობი

VIN DIESEL ვინ დიზელი
ავტორიზაცია
ხშირი სტუმრები
1. fridrich
2. Megani
3. თამუნა
4. ნათია
5. juli
6. Yttttr
7. gurulo
8. paata
9. marexigvenetadze9@gmail.com
10. Maka gigitelaahvili

დარეგისტრირდი და იხილე თავი მიმდინარე თვის ტოპ ათეულში