ნამდვილი სახელი : მერი ლუიზ სტრიპი (Mary Louise Streep) დაბადების თარიღი : 22 ივნისი 1949 დაბადების ადგილი : სამიტი ნიუ ჯერსი აშშ სიმაღლე : 1.68 მ პირველი ფილმი : 1973 მეუღლე : უცნობია მერი ლუიზა სტრიპმა დაამთავრა იელსის უნივერსიტეტი. იგი თეატრიდან მოვიდა კინოში. თავდაპირველად მერილი მეორეხარისხოვან როლებს ასრულებდა კინოში. იგი მალევე შეამჩნიეს და დააფასეს მსახიობის ნიჭი ოთხ პროექტში: “ირმებზე მონადირე” (1978), მინისერიალ “ჰოლოკოსტ”-ში, “ჯო ტაინენის ცდუნება” (1979) და “კრამერი კრამერის წინააღმდეგ” (1979), ფილმმა რომელმაც მიიღო “ოსკარი” და “ოქროს გლობუსი”. სტრიპი მკვეთრად გამოირჩევა ჰოლივუდელი ვარსკვლავებისგან თავისი არაორდინალური გარეგნობით, რომელიც სილმაზის მიღებულ კანონზომიერებაში არ ჯდება. მსახიობი თავისი საქმის ვირტუოზია. მას შეუძლია ყველაზე რთულ ფსიქოლოგიურ დავალებებს გაუმკლავდეს. სწორედ ამიტომ, მსახიობს ყველაზე მძიმე და რთულ როლებზე იწვევენ. სტრიპმა ითამაშა მთავარი გმირი ფილმში “სოფის არჩევანი” (1982). ფილმმა ასევე მიიღო “ოსკარი” და “ოქროს გლობუსი”. მერილის გმირს ფილმში უნდა აერჩია, თუ რომელი შვილი გაეწირა სიკვდილისთვის. კარელ რეიშის ფილმში “ფრანგი ლეიტენანტის ქალი” (1981), მსახიობს მოუწია ერთდროულად ორი როლის შესრულება. ეკტორ ბაბენკოს ფილმში “Heartburn” (1987), მერილმა მომღერლის როლი შეასრულა, რომელიც შემდგომ მათხოვრად იქცა. ფილმში “აფრიკიდან” (1985) სტრიპმა მწერალი კარენ ბლიკსენის როლი შეასრულა, რომელიც გაჭირვებაში საყვარელ მამაკაცებზე ძლიერი აღმოჩნდა. “Postcards From The Edge” (1990)-ში მერილი მღეროდა, “ველურ მდინარეში” (1994) ნავით ცურავდა. შესანიშნავად შეასრულა როლები კომედიებში “ის-ეშმაკი” (1989), “სიკვდილი უხდება” (1992) და კლასიკურ მელოდრამაში “შეყვარებულები” (1984). მსახიობ მამაკაცებსა და ქალებს შორის ერთ-ერთია მერილი, რომელიც ყველაზე მეტჯერ იყო წარდგენილი “ოსკარზე”. მას “ლორენს ოლივიე ქვედაბოლოში” ეძახიან. რეალურ ცხოვრებაში მერილი მოქანდაკის მეუღლეა და ოთხი შვილის დედა.